#Yoshligimdan1Kun foto tanlov g'oliblari

Sahar maktabi 2016-yil 14-16-aprel kunlari “Yoshligimdan1kun” nomli onlayn foto aksiya o’tkazdi.

Aksiyadan maqsad yoshlikni tarannum qiluvchi fotolavhalarni baham ko’rish bilan yoshlarda ijodkorlik, faollik, yetakchilik, mardlik, go’zallik, uddaburonlik va shijoatkorlikni targ’ib qilish edi.

Aksiya Sahar maktabi ishtirokchilari va muxlislari tomonidan juda yaxshi qabul qilinib, unda ko’plab ishtirokchilar faol qatnashdi. Aksiyada juda turfa mavzularda yoshlikni tarannum qilgan va ifodalagan ramslar, hikoyalar, "selfie" va hatto videolar joylandi.

Va’da qilinganidek, aksiya davomida e’lon qilingan tanlov shartlariga ko’ra, quyidagi yo’nalishlar bo’yicha foto (video) tanlov g’oliblari aniqlandi:

  1. Eng original rasmlar muallifi – Nafisa Omonning qizil tut rasmi, Fozilbek Yusupovning uch yigit va bir qiz rasmi va Sobit Saidovning kichkina qarindoshlar rasmi
  2. Eng ijodiy rasmlar muallifi – Nafisa Omonning she’riy video lavhasi va Fozilbek Yusupovning talaba nonushtasi rasmi
  3. Faollikni targ’ib qiluvchi rasmlar muallifi – Dilshoda Avvalbayevaning talabalar rasmi, Rahimjon Dadajonovning futboldagi rasmi va Temur Shukurovning “Yoshligimdan1kun” video lavhasi
  4. Eng ko’p “like” yiqqan rasm(lar) muallifi – Gulruxsora Xudoyberdiyevaning oq tut rasmi.

Sahar maktabi tanlov g’oliblariga yaqin kunlarda bog’lanib, mukofotlarni taqdim qiladi.

Barcha aksiya ishtirokchilari va kuzatuvchilariga qo’shgan hissalari uchun katta minnatdorchiligimizni bildirgan holda yoshlikni tarannum qilishda faol, ijodkora va shijoat bilan davom etishni targ’ib qilamiz.

             

 

 

 

 

 

 

 

 

 

 

 

 

 

 

 

 

 

 

 

 

 

 

Izohlar

Bahodir Mahmudov's picture

Juda zo'r rasmlarni tanlabsizlar (Y)